ဆက်သွယ်ရေးဥပဒေမထုတ်ပြန်မီက မြန်မာနိုင်ငံကိုယ်စားပြု .mm ဖြင့် အဆုံးသတ်သော country-code Top Level Domain (ccTLD) အား Internet Assigned Numbers Authority (IANA) တွင် မှတ်ပုံတင်ခွင့် ရရှိနိုင်ရေးအတွက် ယခင် ဆက်သွယ်ရေး၊စာတိုက်နှင့်ကြေးနန်းဝန်ကြီးဌာန၏ ခွင့်ပြု ချက်ဖြင့် မြန်မာ့ဆက်သွယ်ရေးလုပ်ငန်းမှ .mm Domain Registry လုပ်ငန်း များကို ဆောင်ရွက်ခဲ့ သည့် အဖွဲ့အစည်းတစ်ခု ဖြစ်ပါသည်။

၂၀၁၃ ခုနှစ်၊ အောက်တိုဘာ (၈) ရက်နေ့တွင် ထုတ်ပြန်ခဲ့သော ဆက်သွယ်ရေး ဥပဒေ အခန်း(၇)၊ ပုဒ်မ (၂၁)၊ (၂၂) နှင့် (၂၃) ပါ ပြဋ္ဌာန်းချက်များအရ အီလက်ထရောနစ်လိပ်စာများဖြစ်သည့် Public IP Address၊ Autonomous System (AS) Number နှင့် Domain Name တို့နှင့်စပ်လျဉ်း၍ စိစစ်ကြီးကြပ်ခြင်းနှင့်စီမံခန့်ခွဲခြင်းလုပ်ငန်းများအား ဆက်သွယ်ရေးညွှန်ကြားမှုဦးစီးဌာနမှ ဆောင် ရွက်ရမည်ဖြစ်သည်နှင့်အညီ မြန်မာနိုင်ငံ၏ .mm Domain Registry အဖြစ် ၂၀၁၉ ခုနှစ်၊ အောက်တိုဘာလ ၁ ရက်နေ့မှစတင်၍ မြန်မာ့ဆက်သွယ်ရေးလုပ်ငန်းထံမှ လွှဲပြောင်း တာဝန်ယူ ဆောင်ရွက်ခဲ့ပါသည်။

ပြည်တွင်း .mm Domain Name များ မှတ်ပုံတင်ခြင်း ဝန်ဆောင်မှုများကို ဆောင်ရွက်ပေးသည့် Domain Registrar များအဖြစ် မြန်မာ့ဆက်သွယ်ရေးလုပ်ငန်း ၊ Yatanarpon Teleport Public Co.,Ltd ၊ Myanmar Technology Gateway Co.,Ltd ၊ Global Technology Co.,Ltd ၊ AGB Communication Co.,Ltd ၊ Horizon Telecom International Co.,Ltd နှင့် Frontiir Co.,Ltd တို့က ဦးစီးဌာနမှ ထုတ်ပြန်ထားသည့် Eligibility Criteria and Allocation Guidelines for Third Level .mm Domain Name ပါ သတ်မှတ်ချက်များနှင့်အညီ ဝန်ဆောင်မှုကဏ္ဍအလိုက် အောက်ပါ Domain Name များကို မှတ်ပုံတင် ဆောင်ရွက်ပေးလျက် ရှိပါသည်-

သို့ဖြစ်ပါ၍ အများပြည်သူများအနေဖြင့် ပြည်တွင်း .mm Domain Name များကို ဝယ်ယူလိုပါက အောက်ဖော်ပြပါ Domain Registrar တစ်ဦးဦးထံသို့ ဆက်သွယ်၍ ဝယ်ယူလျှောက်ထားနိုင်ပါကြောင်းအသိပေးအပ်ပါသည်-